Është ndarë nga jeta në moshën 69-vjeçare burrnesha Diana Rakipi, mjaft e njohur në vitet e fundit përmes medieve. Një atak kardiak i ka marrë jetën burrneshës, e cila u bë e njohur prej historisë së saj, teksa në Durrës, ku ajo jetonte, njihej edhe me pseudonimin “Lali”.
Edhe media të ndryshme ndërkombëtare ishin interesuar për të mësuar historinë e veçantë të jetës së Diana Rakipit, që e detyruar nga rrethana të ndryshme dhe nga zakonet e hershme shqiptare, por edhe për zgjedhje të saj, qe bërë burrneshë.