Një banesë në Lezhë është tentuar që të grabitet. Ngjarja ndodhi në fshatin Mërqi. Policia bënë me dije se sot rreth 10:00, shtetasi me inicialet P.N., ka qenë me bagëti, kur ka gjetur në banesën e tij, 2 shtetas që dyshon se kishin hyrë për të vjedhur.Personat në fjalë sapo e kanë parë pronarin e banesës, kanë tentuar të largohen, por gjatë largimit kanë goditur me grusht kryefamiljarin.
NJOFTIMI I POLICISE
Rreth orës 10:00, shtetasi P. N., 52 vjeç, ka njoftuar se kur është kthyer në banesën e tij, në fshatin Mërqi, pasi ka qenë me bagëti, ka gjetur në banesën e tij, 2 shtetas që dyshon se kishin hyrë për të vjedhur.
Sapo kanë parë shtetasin P. N., 2 shtetasit kanë tentuar të largohen. Gjatë largimit kanë goditur me grusht, shtetasin P. N. dhe nuk kanë mundur të vjedhin asgjë.
Menjëherë pas njoftimit, shërbimet e Policisë kanë shkuar në vendngjarje dhe vijojnë krehjen e zonës me qëllim kapjen e autorëve. Ndërkaq, grupi hetimor vijon punën për të sqaruar rrethanat e këtij rasti.