Një ditë pas vendimit për sekuestrimin e pronave të Jamarbër Malltezit, sot Oficerët e Policisë Gjyqësore kanë zbritur në terren për të kryer urdhrin e ekzekutimit.
Mësohet se në orët e para të mëngjesit oficerët kanë mbërritur në ambientet e kompleksit “Magnet” për t’i sekuestruar apartamentet.
Kujtojmë që një ditë më parë dhëndrit të Sali Berishës iu sekuestrua një vilë në Gjirin e Lalëzit.
Ndërkohë Gjykata e Posaçme e Shkallës së Parë për Korrupsionin dhe Krimin e Organizuar Tiranë ka vendosur masën e sigurimit pasuror “sekuestro preventive”, për 25 pasuri të paluajtshme në pronësi të tij dhe bashkëshortes, Argita Malltezi, mes tyre 6 llogari bankare.
Në dokumentin e siguruar Panorama.al thuhet se sekuestruar një vilë, apartamente, tre kompani konkretisht në Homeplan shpk, ku Jamarbër Malltezi ka 45% të aksioneve, Magnet IMO shpk ku ka 100% të aksioneve dhe Magnet Gym and Fit, ku ka 60% të aksioneve.