Dita e sotme ka nisur me reshje shiu në të gjithë vendin. Meteorologia Tanja Porja ka zbuluar se nga ky mot do të karakterizohen shumica e ditëve të javës dhe se temperaturat do të bien ndjeshëm.
“Mëngjesi i sotëm është si një mëngjes vjeshte, me temperatura jo të ulëta. Megjithatë, mbizotërojnë vranësirat në të githë territorin shqiptar. Në zonat veriore do të ketë rrebeshe afat shkurtare. Në zonat qendrore dhe jugore, reshjet do të shtohen. Sonte vonë në mbrëmje kemi rënie të ndjeshme temperaturash, ku ditën e martë do të zgjohemi me 5-6 gradë më pak”, tha ajo.