Shoqata e fermerëve, Coldiretti, vlerëson se rreth 23,000 derra të egër jetojnë në periferi të Romës.
Qeveria italiane po planifikon një grumbullim masiv të derrave të egër, të cilët aktualisht po terrorizojnë kryeqytetin e vendit, Romën.
Qyteti ka qenë i rrethuar nga një numër në rritje i derrit të egër, që kanë hyrë në qytet duke ngrënë nga kazanët e plehrave dhe madje duke sulmuar banorët vendas.
Kafshët kanë jetuar në periferi të Romës prej vitesh, por vizitat në qytet janë shtuar muajt e fundit, pasi kafshët kërkojnë të hanë tek kazanët ku hidhet ushqimi.
Problemi u bë më i rëndë këtë javë kur instituti veterinar italian IZSUM konfirmoi se tre coftina derri kishin rezultuar me Murtajën Afrikane të Derrit, një sëmundje virale shumë ngjitëse.
Ndërsa sëmundja nuk ka asnjë ndikim në shëndetin e njeriut, ajo paraqet rrezik për kafshët që mbarështohen.
Shoqata e fermerëve, Coldiretti, vlerëson se rreth 23,000 derra jetojnë në periferi të Romës.
Derrat e egër shihen shpesh në rajonin e Lazios në veri të Romës dhe dihet se hyjnë në qytet për të gërmuar nëpër kazanët e plehrave në kërkim të ushqimit.
Në kundërpërgjigje të rasteve të murtajës së derrave që janë zbuluar në Rezervatin Natyror Insugherata, një zonë prej 800 hektarësh me kafshë të egra në veri të qytetit, disa zona janë shpallur “zona të kuqe” nga zyrtarët shëndetësorë.
Kjo masë kundër derrit ka bërë që kazanët e plehrave të mbyllen me shirit për të penguar derrat e uritur dhe të ndalohen piknikët.
Në një deklaratë të lëshuar të hënën (më 9 maj), ministri i ri i shëndetësisë Andrea Costa deklaroi se ishte i nevojshëm një “përzgjedhje në shkallë të gjerë” në të gjithë Italinë për të reduktuar numrat e tyre në rritje.
Rasti i parë i murtajës së derrave u zbulua në rajonin e Piemonte në veri të Italisë në janar dhe autoritetet janë të prirura të reduktojnë përhapjen e saj.
Sëmundja vdekjeprurëse ka vrarë mijëra kafshë të egra dhe të mbarështuara në vende si Kina dhe Rusia, dhe miliona kafshë janë therur në mbarë botën për të frenuar përhapjen e saj.
