Kingsli Koman nuk do të kishte asnjë mëshirë ndaj klubit ku nisi rrugëtimin për t’u bërë lojtar kaq i rëndësishëm, pasi goli i tij ndaj PSG-së u dha goditje të fortë shpresave të parisienëve.Gjithsesi, kjo do të ishte vetëm njëra anë e medaljes, pasi minuta e 75-të e detyroi Komanin të largohej nga fusha e lojës si pasojë e dëmtimit në kyçin e këmbës.
Nagelsman nuk deshi ta rrezikonte yllin francez në një moment kaq delikat të sezonit. Përfundimi i takimit u dha më shumë kohë mjekëve në ekzaminimin më të plotë.
27-vjeçari pohoi se periudha e riaftësimit do të kushtojë me tepër se një javë, çka do të thotë se ai nuk do të jetë i gatshëm ndaj M’Gladbah në fundjavë.
Akti i dytë i Ligës së Kampionëve mes Bajern-PSG është i planifikuar në datën 8 mars, periudhë e mjaftueshme për të qenë i gatshëm plotësisht.