Presidenti amerikan Joe Biden thotë se marrëdhëniet e Elon Musk me vendet e huaja janë “të denja për t’u parë”.
Gjatë një konference për shtyp në Shtëpinë e Bardhë të mërkurën, një gazetar e pyeti Biden: “A mendoni se Elon Musk është një kërcënim për sigurinë kombëtare të SHBA-së dhe nëse SHBA, me mjetet që keni, do të hetojë blerjen e tij të përbashkët të Twitter me qeveritë e huaja, të cilat përfshijnë sauditët?”
“Bashkëpunimi dhe/ose marrëdhëniet teknike të Elon Musk me vendet e tjera ia vlen të shikohen”, tha Biden, raporton BBC.
“Pavarësisht nëse ai po bën ndonjë gjë të papërshtatshme — nuk po e sugjeroj këtë. Unë po sugjeroj se ia vlen të shikohet. Kjo është gjithçka që do të them,” shtoi ai.
Musk përfundoi blerjen e tij prej 44 miliardë dollarësh të Twitter muajin e kaluar duke i dhënë fund një beteje të zgjatur ligjore. Marrëveshja u financua nga zoti Musk dhe një grup investitorësh të tjerë.