Presidenti turk Rexhep Tajip Erdogan shprehu pakënaqësinë e tij me homologun e tij amerikan, Joe Biden. Erdogan mësohet të ketë thënë para mediave ditën e sotme se nuk e ka përjetuar një situatë të tillë me asnjë president tjetër amerikan.
“Unë kam punuar mirë me George W. Bush, Barack Obama dhe Donald Trump, por nuk mund të them se filluam mirë me Joe Biden. Pas 19 vitesh në detyrë, nuk mund të them se kemi arritur një pozicion të mirë me SHBA. Shtetet e Bashkuara duhet të kuptojnë se Turqia nuk do të tërhiqet nga marrëveshja S-400,”– tha Erdogan duke iu referuar sistemit të mbrojtjes raketore ruse që çoi në një grindje midis Turqisë dhe SHBA
Duke iu përgjigjur një pyetjeje në lidhje me qëndrimin e Turqisë ndaj zhvillimeve të fundit në Afganistan, Erdogan vuri në dukje gjithashtu dështimin dhe indiferencën e SHBA ndaj situatës. Ai nënvizoi se SHBA -të e morën vendimin e tyre pa pyetur Turqinë kështu që nuk mund të presin që ta paguajnë ata “çmimin” për sjelljen e tyre të papërgjegjshme.