Ish-futbollisti Dino Baxhio ka folur për vdekjen e ish-bashkëlojtarit të tij tek Juventus, Xhanluka Viali. Ai ndërroi jetë në moshën 58-vjeçare më 6 janar për shkak të kancerit në pankreas. Duke folur për Tv7 , Dino Baxhio lëshoi një deklaratë fortë duke ngritur alarmin.“Kam një kujtim të mrekullueshëm për Xhanlukën, një djalë që i bëri të rinjtë të rriten. Gjithmonë kishte një fjalë të bukur për të gjithë, por u largua shpejt nga kjo botë. Ne duhet të hetojmë substancat që kemi marrë gjatë asaj kohe. Gjithmonë ka pasur doping. Do të ishte për të kuptuar nëse disa suplemente na kanë dëmtuar me kalimin e kohës. Me kalimin e kohës duhet të shikoni nëse disa suplemente janë të mira për ju apo jo, nëse mund t’i përdorni ose jo ato. Më pas shumë folën për barin në fusha dhe produktet që përdornin, gjë që shkaktonte probleme. Edhe unë jam i frikësuar, po u ndodh shumë lojtarëve”, përfundoi Baxhio.
Ish-futbollisti i Juventusit kujton Xhanluka Vialin dhe lëshon “bombën”: Dopingu ka qenë gjithmonë aty, tani kam frikë për veten
