Ante Rebiçi do të luajë për Beshiktashin dhe në Stamboll, ku zbarkoi dje, mund të gjejë së shpejti një ish-shok skuadre si Zhunior Mesias pasi edhe braziliani është gjithashtu në pamjen e klubit turk.
Ajo që ata kanë planifikuar prej disa kohësh te kuqezinjtë duket se po ndodh pasi ndërkohë që Pioli mbledh lojtarët të rinj për të ndryshuar sa më shumë fytyrën e ekipit në organikën e “djallit”, ka edhe largime. Për t’u bërë vend përforcimeve dhe për të kursyer rrogat e atyre që përfunduan në skajet e projektit.
Nëse me Rebiçin kursehen 3.5 milionë euro në sezon prej rrogës e fitohen disa të tjera me shitjen, me një milion në sezon, Mesias është në fund të renditjes së më të paguarve në skuadrën e Piolit.
Largimi i tij është i motivuar nga zgjedhjet teknike të klubit, i cili mund të mbështetet te Çukvueze dhe Pulisiçi e ndoshta edhe Romero në krahun e djathtë të sulmit.
Negociatat për Mesiasin nuk kanë arritur ende pikën e kthesës: Beshiktashi paraqiti ofertën e parë, por tentativa dështoi, pasi janë shifra ende shumë të ulëta. Ka mundësi që turqit të rikthehen në bisedime në orët e ardhshme me një propozim më të mirë.