Edhe pse është vendi më i vogël në botë, Vatikani mbetet një nga më të fshehtët dhe më misateriozët me plot teori konspirative.E tillë shtë dhe një histori e zbulaur së fundmi, ku një ish-oficer i inteligjencës amerikane pretendon se Vatikani ndihmoi në fshehjen e një përplasjeje të UFO- ve. David Grusch pretendon se një anije aliene zbarkoi në Itali 90 vjet më parë dhe lideri i atëhershëm Papa Pius XII veproi si ndërmjetës për të siguruar që ajo të zhvendosej në SHBA.
Por cilat janë disa nga misteret më të mëdha të Vatikanit?
Sekretet e Arkivave të Vatikanit.
Arkivi i Vatikanit, një thesar prej 17 milionë faqesh dokumentesh, u themelua në vitin 1612 dhe tani ndodhet në një bunker.
Ai përmban disa nga letrat më magjepsëse nga historia, por disa besojnë se ka edhe përmbajtje më ekzotike.
Ne e dimë se përfshin kërkesën e Henry VIII për të anuluar martesën e tij me Katerinën e Aragonit, ankesën e Mikelanxhelos për një faturë të papaguar për pikturimin e Kapelës Sistine dhe korrespondencën me Hitlerin .
Por pretendohet se ka gjithashtu prova që Jezusi kishte një grua dhe pasardhës – siç paraqitet në “Kodi i Da Vinçit” të autorit Dan Brown, i bërë më vonë në një film me Tom Hanks – apo edhe dëshmi se Jezusi nuk ka ekzistuar kurrë . Supozohet të ketë informacion edhe për Graalin e Shenjtë dhe Arkën e Besëlidhjes.
Thuhet se ekziston një makinë kohe “Chronovisor”, e ndërtuar nga një murg benediktin në mënyrë që të kthehej pas në kohë dhe të filmonte kryqëzimin!
Madje supozohet se përmban dëshmi të qenieve jashtëtokësore dhe koleksionin më të madh në botë të pornografisë. Shumica e të dhënave janë jashtë kufijve, por Vatikani ka hapur disa arkiva, më së fundi ato të fshehësit të supozuar të UFO-ve, Papa Pius XII, më 2 mars 2020.Bankieri i Zotit.
Më 18 qershor 1982, bankieri italian Roberto Calvi, 62 vjeç, u gjet i varur në skelat poshtë urës Blackfriars në Londër.
Në xhepat e tij ai kishte tulla dhe gati 12,500 £ para në monedha të ndryshme. I quajtur “Bankieri i Zotit” për marrëdhënien e tij të ngushtë të punës me Vatikanin, Calvi u largua nga Italia një javë më parë me një pasaportë false pas rënies së bankës që ai drejtonte, Banco Ambrosiano.
Ai e kishte paralajmëruar Papa Gjon Palin II se kolapsi do të rezultonte në një “katastrofë të përmasave të paimagjinueshme, në të cilën Kisha do të pësojë dëmin më të madh”. Më vonë u zbulua se miliona ishin nxjerrë nga Banka e Vatikanit, e cila zotëronte 10% të Banco Ambrosiano.
Fillimisht mendohej se ishte vetëvrasje, testet mjeko-ligjore treguan se nuk kishte shenja në këpucët e Calvit nga skela, lëndimet e tij në qafë nuk nënkuptonin varje dhe ai nuk kishte prekur tullat në xhepat e tij. Ishte vrasje.
Por kush e vrau? A mund të përfshihen marrëdhëniet e tij me anëtarët e Kishës Katolike?
Në vitin 2005 pesë persona, me lidhje të dyshuara me mafien, u gjykuan në Itali për vrasjen e tij, por u shpallën të pafajshëm. Çështja – e cila ishte objekt i një dokumentari të Paramount+ në fillim të këtij viti – është ende i pazgjidhur sot.
Çfarë ndodhi me Emanuelën?
Më 22 qershor 1983, Emanuela Orlandi po kthehej në shtëpinë e saj në qytetin e Vatikanit pas një mësimi flauti në Romë. Por 15-vjeçarja – babai i të cilës Ercole ishte punonjës në shtëpinë papale – nuk u kthye. Ajo nuk u pa më kurrë dhe asnjë trup nuk u gjet.
Ka pasur shumë teori për zhdukjen e saj. Njëri pretendoi se ajo ishte rrëmbyer dhe po mbahej si shpërblesë për të siguruar lirimin e Mehmet Ali Agca, turku që kishte qëlluar Papa Gjon Palin II dy vjet më parë.
Një tjetër teori pretendonte se ajo ishte kapur nga terroristët, KGB-ja ose mafia, ndërsa një e treta pretendonte se ajo ishte rrëmbyer, përdorur për festa seksi në Vatikan dhe më pas ishte vrarë.
Një ide tjetër kishte të bënte me dokumentet e zbuluara që tregonin se ajo kishte jetuar në Londër nën mbrojtjen e Vatikanit, por kishte vdekur dhe eshtrat e saj ishin dërguar përsëri në qytet.
Në vitin 2019, dy varre në qytet u hapën pas një informacioni se Emanuela mund të ishte varrosur, por nuk u gjetën eshtra. Si autoritetet e Vatikanit ashtu edhe ato italiane thonë se dokumentet janë false.
Në fillim të këtij viti, prokurorët thanë se do të rihapnin çështjen. Ajo erdhi pas serialit të Netflix Vatican Girl, në të cilin krijuesit e dokumentarëve intervistuan një mike të Emanuelës, e cila zbuloi se ajo kishte besuar një javë para zhdukjes së saj se ishte ngacmuar seksualisht nga dikush “i afërt” me Gjon Palin II.
Vdekja e Papa Gjon Palit I
Vdekja e Papa Gjon Palit, i cili udhëhoqi Kishën Katolike Romake për vetëm 33 ditë në 1978, është e mbuluar me mister.
I përshkruar si “Papa i buzëqeshur”, ai u bë Papa me shërbimin më të shkurtër që nga viti 1605 kur vdiq nga një atak në zemër më 28 shtator 1978.
Por rrëfimet për atë që ndodhi ndryshojnë. Vatikani fillimisht tha se një prift e kishte gjetur atë. Por më vonë doli se ai ishte gjetur nga dy murgesha – dhe i shqetësuar me gratë që hynin në shtëpinë e tij private, historia ndryshoi shpejt.
Teori të tjera thonë se ai u vra sepse ishte gati të zbulonte një komplot masonik ose u helmua për ta parandaluar atë të zbulonte një mashtrim financiar që përfshinte të brendshëm të Vatikanit.