Seria A italiane ka marrë një vendim të rëndësishëm që do të ndryshojë historinë e sistemit VAR dhe futbollit italian në përgjithësi. Federata italiane ka vendosur që nga sezoni i ri, të gjitha bisedat që do të bëhen mes arbitrave për vendimet e sistemit VAR do të publikohen.
DAZN” ka fituar të drejtën ekskluzive që të ketë të gjitha audiot e VAR-it pas ndeshjes dhe do t’i publikojë për të gjithë tifozët që janë kuriozë të dinë se çfarë diskutohet dhe si arrihet në një vendim. Audiot nuk do të publikohen menjëherë pas ndeshjes, por pasi të kenë përfunduar takimet e javës.
Me anë të audiove, Federata Italiane shpreson që të ketë më pak polemika për një vendim të marrë dhe në të njëjtën kohë, të bëjë tifozët që të kuptojnë se sa e vështirë është për arbitrat që të dalin në një përfundim kur ka shumë dilema për një aksion, gol, penallti apo edhe karton të kuq.