A do të arrijë Zhoze Murinjo të transferojë një lojtar të Bajernit në merkaton e kësaj vere? Trajneri i Romës ka në mendje një prej futbollistëve të kampionëve të Gjermanisë, Marsel Zabicerin.
28-vjeçari arriti të fitonte titullin kampion me bavarezët në sezonin e tij të parë, por paraqitjet e tij deri tani kanë qenë larg pritshmërive.
Prandaj drejtuesit në “Säbener Straße” po mendojnë që ta shesin ish-sulmuesin e Lajpcigut. Sipas “Gazzetta dello Sport”, klubi i Romës është gati të paguajë 15 milionë euro për kartonin e austriakut, e cila mund të jetë e mjaftueshme për të bindur gjermanët që ta shesin.
Sepse, sipas “Sport Bild”, kampionët duan të rikuperojnë 15 milionë eurot që paguan për transferimin e tij nga Lajpcigu verën e shkuar dhe të çlirohen nga rroga e tij e lartë prej 10 milionë eurosh në sezon që ai fiton në “Allianz Arena”.
Zërat e largimit i konfirmoi edhe menaxheri i Zabicerit, Roxher Uitman, kur u pyet nga “Sky” nëse klienti i tij do të vazhdonte të luante në Mynih: “Nuk ka 100% të sigurt në futboll”.