Donald Trump pranoi se letrat që ai shkruante me Kim Jong Un në vitin 2019 dhe që më vonë i mori me vete pas largimit nga Shtëpia e Bardhë ishin sekrete.
Kjo u bë publike nga audio regjistrimi i një interviste që ai i dha gazetarit Bob Woodëard në Dhjetor të atij viti.
Në atë kohë, Trump i tregoi gazetarit letrat që Kim Jong Un i kishte shkruar, duke i thënë: “Askush tjetër nuk i ka, por dua që t’i trajtoni me respekt. Dhe mos thoni që ja u kam dhënë, në rregull”?
Por 1 muaj më pas, kur gazetari i kërkoi të shikonte letrat që Trump i kishte shkruar liderit të Koresë së Veriut, ish-Presidenti iu përgjigj: “Ato janë shumë sekrete”.
Në letrat që Trump shkëmbente me Kim Jon Un, të dy bënin urime për ditëlindje ndaj njëri-tjetrit.
Këto komente të bëra nga Donald Trump në atë kohë kundërshtojnë pretendimin e tanishëm të ish-Presidentit se kur u largua nga detyra nuk mori me vete dokumente sekrete, që kulmuan me kontrollin nga ana e FBI-së gjatë verës në rezidencën e tij private, ku u gjetën dokumente të klasifikuara si sekrete dhe tepër sekrete.