Në media është publikuar një dëshmi tronditëse në lidhje me atë që ndodh pas dyerve të fabrikave që prodhojnë sallam.
Është pikërisht një punëtor që ka punuar në një prej fabrikave më me emër në Tiranë’, ai që denoncon atë që e quan krim ushqimor.
Në Tiranë dy janë fabrikat kryesore të sallamit: Hako dhe EHW. Që të dyja kompanitë janë denoncuar më parë për përfshirje në krime ushqimore, si në importin e mishit të skaduar, mashtrim me etiketa, riciklim të sallanit të skaduar dhe mashtrim me përbërjen e sallamit.
Pasi ka punuar në disa procese, punëtori denoncon faktin që sallami i skaduar rri etiketohet për të dalë përsëri në treg.
Ai ka deklaruar se llojet e sallamit përbëhen me lëkurë derri dhe mbetje të tjera shtazore. Ndërkaq, besimi tek AKU pothuajse është zerë.
Punëtori i fabrikës: Sallamet vinin dhe i rietiketonin prapë.
Gazetarja: I rietiketonin?
Punëtori i fabrikës: Po. Data e skandencës e ka parasysh? Në qoftë se sallami skadon për një muaj ato e vinin 5 ditë 7 ditë plus deri sa të shitej.
Nga ana tjetër punëtori shprehet se një prej përbërësve që i hidhet brumit të sallamit është edhe lëkura e derrit.
Gazetarja: Edhe lëkurën e derrit e përpunonin?
Punëtori i fabrikës: Po. Lëkura e derrit u bënte si kadaif. Ti shife sallamin, merr një sallam *** te popullori te salçiçet te çdo lloj sallami në qoftë se ke një të bardhë picul e vogël ajo është lëkura e derrit, ke proshuta te të gjitha.
Përveç saj i shtohet edhe kockë e bluar. Punonjësi i fabrikës tregon se çfarë ka ndodhur kur nga neglizhenca harruan ta fusnin kockën e bluar në frigorifer.
Punëtori i fabrikës: Kima se e quajnë kima ata, është kocka e bluar. Po ta lije në një vend të nxehtë në nxehtësi ajo u bënte gjak. Kocka e bluar u bënte gjak. Kur e kemi lënë njëherë te furra e harruam një natë u bë krejt gjak. Unë kam punuar te prodhimi te paketimi prandaj të thashë për etiketat.
Nga ato që ka parë, prodhimin me skandaloz cilëson Hot Dog sepse ka më shumë kockë të bluar në krahasim me prodhimet e tjera
Gazetarja: Po ky hot dog që reklamojnë?
Punëtori i fabrikës: Ka më shumë kima. Kimaja është kocka e bluar. Nëse e ke parasysh ha një sallam tjetër një salçiçe tjetër që është me e shijshme se kjo, kjo nuk ka shije prej kimasë. Edhe kur skuqet bëhet i kuq fare, ajo është kimaja kocka e bluar.
Shpesh fabrika ofronte 3 ose 4 kg sallam falas për punonjësit, por personi që solli këtë dëshmi shprehet se ai asnjeherë nuk e ka konsumuar por ia jepte qenve si ushqim.
Gazetarja: Si e haje ti atë sllamin që të jepnin?
Punëtori i fabrikës: Nuk e haja, ia jepja qenit. Te shtëpia nuk e kam konsumuar fare,nuk kam lënë asnjë të shpisë.
Gazetarja: Që ta hante?
Punëtori i fabrikës: Jo.