Lideri separatist i Çeçenisë Akhmed Zakayev, së pari duhet të informojë oficerët e inteligjencës përgjegjës për sigurinë e tij, pasi ai e drejton qeverinë e Çeçenisë në ekzil nga shtëpia e tij në Britani.
Sipas The Times, kanë kaluar 20 vjet që kur emri i tij u shfaq për herë të parë në një listë të zezë të FSB-së dhe megjithatë kërcënimet kundër liderit separatist çeçen vazhdojnë ende
Në një deklaratë të tij, Zakayev theksoi se deri më sot, kërcënimi është ende aty, ashtu siç është për të tjerët në mbarë botën dhe në Rusi. Për sa kohë ka një regjim Putin , këto kërcënime do të vazhdojnë të ekzistojnë.
Zakayev, 64 vjeç, ishte komandant në luftën e pavarësisë çeçene kundër Rusisë në vitet 1990 dhe më vonë u bë zëvendëskryeministër i qeverisë separatiste jetëshkurtër.
Kur Rusia rivendosi kontrollin e saj në fillim të viteve 2000 nën Presidentin Putin, Zakayev iku në Britani, ku iu dha azil politik në 2003. Në vitet që nga ajo kohë, Çeçenia është qeverisur nga Ramzan Kadyrov, një kryekomandant lufte besnik ndaj Putinit , i cili drejton republika si çiflig personal.
Para se të merrte armët kundër Rusisë, Zakayev kishte qenë një aktor i njohur shekspirian. Ai pranon se qeveria në mërgim ka pak shpresë për të rimarrë pushtetin ndërsa Putin është në detyrë. Megjithatë, lufta ka paraqitur një mundësi të paprecedentë.
Pavarësisht përpjekjeve propagandistike nga Kadyrov, shumica dërrmuese e çeçenëve janë fuqimisht kundër luftës, tha Zakayev, qeveria e të cilit drejton aktivistë të opozitës të fshehtë brenda Çeçenisë. Ai dhe kolegët e tij ministra – të cilët kanë kërkuar azil në të gjithë Evropën – po bashkërendojnë gjithashtu një batalion luftëtarësh çeçenë, të cilët kanë udhëtuar në Ukrainë për të luftuar kundër rusëve.
“Jam i bindur se pas kësaj lufte, Rusia do të pushojë së ekzistuari në të njëjtën mënyrë që ka bërë deri më 24 shkurt 2022, ditë kur forcat ruse pushtuan Ukrainën. Bota e ka kuptuar se fati i Ukrainës është tani fati i së ardhmes së njerëzimit. Prandaj Perëndimi tani po bën gjithçka që mundet në mënyrë që Putini të humbasë. Nëse Putini humbet dhe rrethi i tij i ngushtë nuk e qëllon si një qen endacak, atëherë ai do të përfundojë në Hagë si Slobodan Millosheviç.”