Angel di Maria ësh të i lumtur te Ju ventusi dhe ndoshta po e mendon që të qëndrojë edhe një tjetër sezon. Është ky lajmi që sjell “Gazzeta dello Sport” ditën e djeshme, duke nënvizuar sesi “El Fideo”, pavarësisht mëdyshjes së gjatë fillestare, në verën e kaluar, tashmë duket se po shijon jetën në Itali, disi më pak atë te Juventusi, duke parë të gjitha hetimet e përfshirja dhe faktin se dënimi me -15 pikë i ka mohuar mundësinë për të luftuar për vendet e larta të renditjes.Gjithsesi, “Zonja e Vjetër” nuk i ka humbur të gjitha shpresat, pasi janë në lojë për Kupën e Italisë (në gjysmëfinale i pret dopio sfida me Interin) dhe për Ligën e Europës (në “play off” kundër Nantës).
Dhe sigurisht që pas fitores së Botërorit me Argjentinën, Di Maria kërkon që të lërë gjurmë edhe me Juven dhe të dhurojë një trofe me emrin e tij, një objektiv që më pas mund ta shtyjë edhe që të rinovojë.
Por kur bëhet fjalë për lojtarë të kalibrit të Di Marias, sponsorët e shumtë që e shoqërojnë nga pas lojtarin duan që ta shohin atë në elitën e futbollit, prandaj pjesëmarrja në Champions është një kusht i rëndësishëm.
Dhe kush është rruga më e shkurtër për ta arritur, në mënyrë që Di Maria të mendohet dhe të vendosë që të rinovojë një tjetër vit?
Më e shkurtra është fitorja e Ligës së Europës, e cila do të ishte diçka prestigjioze për Juven, pasi në Europë nuk lë gjurmë që prej vitit të largët 1996.
Suksesi në kompeticionin e dytë më të rëndësishëm UEFA garanton automatikisht kualifikimin për në Championsin e sezonit pasardhës.
Prandaj, më shumë sesa te sprinti që nevojitet në Serinë A, për të arritur brenda katërshes së parë, Juvja duhet të bëjë detyrat e shtëpisë shumë mirë, duke nisur nga Nanta më 16 shkurt e në vazhdim.