VIDEO/ Me litar kalojnë mes ujit që vërshon, zjarrfikësit hero shpëtojnë familjen gjermane që rrezikonin nga përmbytjet në Greqi

Moti i keq ka përfshirë prej disa ditësh zonën e Atikës, por edhe zona të tjera si Evia e Selaniku në Greqi. Mediet atje kanë publikuar një video ku shihet sesi ekipet e emergjencave dhe zjarrfikësve shpëtojnë një familje turistësh prej 5 anëtarësh.

Në pamje shihet qartë një zjarrfikës i lidhur me një litar në mënyrë që të mbrohet, teksa përpiqet të kalojë në anën e kundërt, ndërsa uji vërshonte në rrugë, fare pranë shtëpisë ku gjendeshin turistët e huaj.