Tashmë është zyrtare, Sauthemptoni bëhet me trajner të ri pas shkarkimit të Ralf Hazenhytëll!
Klubi i Premier Ligës ka prezantuar Natan Xhons, si “timonier” të ri të skuadrës.
49-vjeçari ka firmosur një kontratë 4-vjeçare teksa do ta mbajë të lidhur me klubin e “Shenjtorëve” deri më 30 qershor 2026.
Këtë lajm e ka bërë publik vetë ekipi nga Hampshire me anë të një komunikate në sajtin e saj zyrtar duke i uruar mirëseardhjen teknikut uellsian.
Më parë, Natan Xhons ka qenë trajner edhe i ekipeve të Luton, Stok Sitit, Çarlton U-21, dhe zv.trajner te Brajtoni dhe Jeovil Taun.
Sauthemptoni shkarkoi nga detyra e trajnerit, austriakun Ralf Hazenhytëll pas rezultateve negative dhe renditjes në kampionat, ku aktualisht pozicionohen në vendin e 18 me 12 pikë të grumbulluara në 14 javë kampionat.
Hazenhytëll njihet si personi që i besoi “çelësat” e sulmit të Sauthemptonit sulmuesit të Kombëtares shqiptare, Armando Brojës sezonin e kaluar duke dhuruar paraqitje dinjitoze dhe duke shënuar edhe gola me fanellën e “Shenjtorëve”.