Një varr masiv është zbuluar në qytetin e lashtë peruan Wilca, rreth 60 kilometra në jug të Lima-s, ku u gjetën eshtrat e tetë njerëzve, mes tyre dhe fëmijë, të varrosur rreth 800 vjet më parë. Ishin punëtorët që po vendosnin tubat e gazit që gjetën eshtrat.
“Trupat e të rriturve dhe fëmijëve ishin mbështjellë me material bimor, me misër, pjata dhe një shumëllojshmëri intrumentesh frymorë, si flautët, të vendosur rreth tyre,” tha Cecilia Camargo, një arkeologe e punësuar nga kompania e gazit “Calidda”, punëtorët e së cilës bënë zbulimin.
“Është një zbulim i rëndësishëm që na jep më shumë informacion në lidhje me historinë para-hispanike të Chilca,” tha studiuesja.
Nuk është hera e parë që bëhen zbulime të tilla në Çilka. Në vitin 2018, e njëjta kompani gjeti 30 eshtra në dy dhoma varrimi. Ligji peruan i detyron kompanitë që kryejnë gërmime, të kenë arkeologë, pasi mbetjet parakolumbiane shpesh shfaqen në nëntokën e bregdetit peruan.
Sipas hetimeve, banorët e parë të asaj pjese të bregut peruan u vendosën në Çilka. Në vitin 1960, u zbuluan mbetje të vjetra 3,750 vjeçare, të tilla si varreza dhe kasolle që formuan një fshat me mure kallamishtesh, të mbuluar me shtrat ose bar.
Eshtrat dhe enët e varrimit të zbuluara do t’i dorëzohen Ministrisë së Kulturës, e cila do të përcaktojë se ku do të ekspozohen.