Suela Zhegu edhe pse me eksperiencë prej më shumë se 21 vitesh brenda sistemit të drejtësisë nuk ka ditur ta shfrtytëzoj në të mirë të drejtësisë. Pushtetin dhe postet e saj i ka përdorur vetëm për pasurim dhe shtimin e llogarisë bankare.Në qershor të 2017, Zhegu u emërua nga Kuvendi i Republikës së Shqipërisë si Komisionere në Komisionin e Pavarur të Kualifikimit.
Suela Zhegu është kallëzuar nga gjykatësi i Apelit, Alaudin Malaj me akuzën e falsifikimit të formularit të vetëdeklarimit, por përderisa nuk është marret asnjë masë ndaj saj atëherë vërtetohet teoria se komisionerja ka një mbështetje të panjohur nga aktor të fshehur nê sistemin e drejtësisë.
Gjyqtari e akuzoi atë ka përvetësuar pasurinë e vëllait të saj pasi ky i fundit ka ndërruar jetë. Nuk mbetet me kaq, pasi edhe bashkëshorti i saj ka probleme te shumta me drejtësinë.
Zhegu deklaron se ka katër apartamente dhe një shtëpi që thotë se e ka trashëgimi, dy automjete, pasuri të patundshme si tokë ullishte, me sipërfaqe 1875 m2 në Tiranë
Njëri nga apartamentet dhe pikërisht atë që ka në Durrës, kunata e Zhegur Anida Ademi, ka thënë se i pëket bashkëshortit të saj, pra vëllait të Zhegut. Bëhet fjalë për një apartament banimi me sipërfaqe 75.21 m2 në Durrës, që Zhegu deklaron se e ka blerë në 09.08.2007 në bashkëpronesi me bashkëshortin, në shumën 35 789 euro.
Kunata e saj Amida Ademi, pretendon se Zhegu, pas vdekjes së vëllait, pasurinë dhe paratë e tij i ka kaluar në emër të nënës dhe jo në emër të fëmijëve të vëllait.
Kështu në emër të nënës ajo, sipas Ademit, ka tërhequr të gjitha paratë, që vëllai i saj i ndjerë ka pasur në bankë. Po ku është tani Suela Zhegu? E qetë në zyrën e KPK-SË duke shkatërruar jetën e shumë gjyqtarëve dhe prokurorëve të ndershëm.