Një ndër problematikat më të mëdha që hasen në vendimet e KPK-së, përveç mënyrës së arsyetimeve të vendimeve është edhe vonesat e seancave. Merret ne shqyrtim çeshtje të caktuara dhe më pas mbesin pezull për një kohë shumë të gjatë. Një gjë e tillë nuk është aspak e shëndetshme për procesin e Vettingut pasi u jep kohë gjyqtarëve dhe prokurorëve që të fshehin provat, pronat dhe të ardhurat e tyre.
Edhe vetë SHBA-ja ka ndërhyrë lidhur me këtë problematikë dukei dhën ultimatum Kolegjit të Apelimit të mos ketë asnjë vonesë madje kërkohen 2-3 seanca në javë.
Në korrik të vitit 2016 konsensusi politik për miratimin e kësaj reforme u arrit falë këmbënguljes së Shteteve të Bashkuara të Amerikës dhe Bashkimit Evropian. Janë ndërkombëtarët ata të cilët janë angazhuar që reforma në drejtësi në vendin tonë të ecë ashtu siç duhet edhe pse ka pasur edhe devijime nga ana e tyre. Duke qenë se shumë prokuror dhe gjyqtarë janë të krimbur në para, për ti shpëtuar drejtësisë, e kanë më të lehtë të blejnë komsionerët për të mos rënë pre e rrjetës së Vettingut.
Që kur KPK nisi punën, kishte një ritëm qesharak me seanca të ngdadalta dhe të zvarrituara. Fakti se imazhi i tyre ra përtokë, bëri që kohët e fundit komisionerët e Vettingut të merrnin një hov të madh. Hov që u ndërpre nga pandemia dhe problemet me përhapjen e pakushtëzuar të koronavirusit.