Joshko Çervenkovski, për të cilin bashkëpunëtori i drejtësisë Luftar Reçi ka deklaruar se ka qenë montues i minës që i mori jetën biznesmenit Vajdin Lame e Artan Arsit, rikthehet sërish në SPAK për t’u marrë në pyetje.

Një ditë më parë ai u paraqit në seancën ndaj Emijano Shullazite e Viktor Imerit, teksa ndalimi i tij u bë në Rinas të hënën. Ai kërkohej nga Prokuroria Posaçme si dhe nga avokatët e të pandehurve për t’u pyetur në cilësinë e dëshmitarit, madje është dërguar edhe letërporosi.

Të martën ai nuk u lejua të dëshmonte pasi avokatët e të pandehurit pretenduan se e kanë kërkuar të pyetet me letërporosi duke e cilësuar të dyshimtë rrethanat në të cilat u paraqit në gjykatë.

Pas vendimit për shtyrjen e seancës, Çervenkovski ngjiti shkallët e SPAK për t’u pyetur të martën, teksa ai u rikthye sërish këtë të mërkurë në prokurori.

Kjo e fundit nuk ka një koment mbi rrethanat dhe cilësinë në të cilën e ka pyetur, teksa maqedonasi u largua me një automjet me targa të vendit të tij.

Lamaj, në atë kohë Presidenti i Federatës se Boksit dhe Zv/president i “TOP Albania Radios u vra si pasojë e një atentati me eksploziv në pallatin ku banonte, pranë stadiumit “Qemal Stafa”.

Për shkak të shpërthimit humbi jetën edhe miku i tij, Artan Arsi, i cili ndodhej me të në momentin e shpërthimit të telekomanduar në ashensor.

Lamaj i kishte shpëtuar para disa muaj para ngjarjes edhe një tjetër atentati me arme në qendër të Tiranës, ku mbeten të plagosur dy persona.

Ne 15 tetor të vitit 2004, Lamaj u shpëtoi plumbave ndërsa dilte nga një emision televiziv i ftuar në një nga televizionet e kryeqytetit.

Vajdin Lamaj ka patur një karrierë të pasur në strukturat e policisë, duke patur edhe pozita drejtuese. Për disa vite ai drejtoi edhe Federatën Shqiptare të Boksit, ndërsa në rini ishte sportist në sportin e mundjes.

Sot një komunitet prej 9 mijë banorësh në njësinë administrative Domje, ka gjimnazin e vet me emrin “Vajdin Lamaj”, pasi kishte kontribuar në restaurimin e godinës.

Kujtojmë se asokohe dyshohet se “bota e krimit” u bë bashkë dhe  vrau biznesmeni Vajdin Lame dhe mekin e tij, Artan Arsi. SPAK akuzon Emiljano Shullazin, Lulzim Berishën, kunatit të tij, Plarent Dervishaj, Indrit Taulla, L. Reci dhe Viktor Ymeri (Imeraj), pas rihapjes së hetimeve nga dëshmia e të penduarit Luftar Reçi, përgjegjës për atentatin mafioz pranë stadiumit “Qemal Stafa” në Tiranë 18 vjet më parë.