Pas ndalimit në mesnatë të efektivit të Gardës së Republikës, Arsan Demaj, i cili shërben si shoqërues i njërit prej komisionerëve të “Vettingut” në Tiranë, çuditërisht ai sot në mëngjes është lënë i lirë. Shumë ndërhyrje nga persona me precedent penalë nga Nikla dhe Fushë-Kruja, kanë bërë që drejtuesit e komisariatit Nr.3 në Tiranë, të marin vendimin për lirimin e tij nga ambjentet e komisariatit.
Për ndalimin e Arsan Demaj, nuk është njoftuar dhe prokurori i gatshëm i prokurorisë së Tiranës. Ndërsa Demaj, u shoqërua ditën e djeshme rreth orës 01:00 të natës, teksa drejtonte automjetin në gjëndje të dehur. Arsan Demaj, ka qenë në gjendje të dehur dhe nuk ka pranuar t’i qëndrojë një patrulle policore që ishte e pozicionuar në një postobllok në rrugët e Tiranës. Demaj, ka kundërshtuar punonjësit e policisë dhe më pas është larguar me automjet. Por më pas është ndaluar sërisht duke u shoqëruar në ambjentet e policisë së komisariatit Nr.3 në Tiranë. Pas disa orë qëndrim Arsan Demaj, është lënë sërisht i lirë.