Megaskandali i publikimit të pagave të 630 mijë shqiptarëve në sektorin privat dhe shtetëror ka edhe anën e vet pozitive, përpos aspektit kriminal.
Për herë të parë janë zbuluar disa paga të ‘çmenduara’ dhe të ‘frikshme’ për realitetin në Shqipëri. Për shembull, Prapaskena ka zbuluar se ish drejtori i Top Channel, Ben Blushi, rezulton me pagë mujore 247 milionë lekë ose rreth 240 mijë USD.
Ben Blushi është njeriu që paguhet më shumë në Shqipëri. Paga është jashtë çdo realiteti. Ndoshta ky është një moment për një hetim se nga burojnë të ardhurat për të paguar Ben Blushin.
Ky i fundit është përfolur dhe denoncuar për gjobëvënie, por janë publikuar fakte edhe për lidhje me biznesin e incineratorëve.
Treshja e incineratorëve, Klodian Zoto, Mirel Mërtiri dhe Stela Gugallja, një pjesë të parave që kanë marrë në buxhetin e shtetit, i kanë kaluar në llogari të politikanëve, por edhe të gazetarëve, në këmbim të heshtjes për vjedhjen historike, por edhe në mbështetje të skemës së aferës së dokumentuar nga SPAK.