Reali dhe Barcelona u falen portierëve që të dielën në mbrëmje do të ndajnë mes tyre Superkupën e Spanjës.Pas Kurtuasë, mbrëmë ka qenë radha e Ter Shtegen të bëjë heroin për katalanasit, duke i dhënë biletën për në finalen e madhe. Portieri i Barçës ka pritur dy nga 4 penalltitë e Betisit dhe në fund është shprehur se është i lumtur që do të luajë një “Klasike” në finale.
“Ndeshja kundër Betisit ishte shumë e vështirë, ndaj jemi të lumtur që ndodhemi në finale. Në pjesën e parë kemi luajtur mirë, ndërsa në të dytën kemi lëshuar dhe ata na kanë vënë në vështirësi serioze”, ka thënë fillimisht ai.
I pyetur për sekretin e penalltive, gjermani ka thënë: “Natyrisht që i studiojmë penalltitë e kundërshtarëve, por jo gjithnjë ndodh siç e parashikon. Mendoj se ka brenda dhe një dozë fati”.Në fund dy fjalë dhe për finalen: “Do të jetë një ndeshje e madhe. E gjithë bota e pret një ndeshje si kjo, ndaj jemi të lumtur që do ta luajmë dhe ta… fitojmë.