Taulant Seferi i ka dhënë sot fitoren skuadrës së Vorskla Poltavës në kampionatin ukrainas, për të mbajtur skuadrën e tij në mesin e tabelës dhe për të përmirësuar statistikat e tij personale në këtë edicion.
Sulmuesi i kombëtares shqiptare shënoi golin e vetëm të ndeshjes së djeshme të luajtur në transfertë ndaj Çernomorets Odesa, për t’i dhënë skuadrës së tij tre pikë shumë të vlefshme për renditjen e kampionatit. Ai mori topin në të majtën dhe pasi shkopi në qendër, gjeti hapësirën që me një gjuajtje të befasishme të çonte topin në rrjetë.
Ky ishte goli i 9 i këtij edicioni për Seferin, i cili aktualisht është golashënuesi i tretë më i mirë i kampionatit ukrainas, i kaluar vetëm nga Bujalski i Dinamo Kiev me 11 gola dhe Dovbyk i Dnjipro 1 me 18 gola.