Një person ka mbërritur i plagosur në spitalin rajonal të Shkodrës.
Raportohet për media se ai është qëlluar me armë të ftohtë (thikë).Ngjarja ka ndodhur në Bashkinë Vau i Dejës, ndërkohë ende nuk dihet motivi dhe identiteti i të plagosurit.
Policia ndodhet në spitalin e Shkodrës ku po heton për ngjarjen.
Njoftimi i Policisë: Vau i Dejës/Informacion paraprak.Rreth orës 21:30, në urgjencën e Spitalit Rajonal Shkodër ka mbërritur për ndihmë mjekësore shtetasi Z. P., 68 vjeç, banues në Vaun e Dejës, i plagosur me mjet prerës (thikë).
Shërbimet e Policisë kanë reaguar menjëherë, duke identifikuar dhe kapur autoren e dyshuar të plagosjes, një 21 vjeçare, banuese në Vaun e Dejës, e cila po shoqërohet në Komisariatin e Policisë Vau i Dejës, për veprime të mëtejshme.
Grupi hetimor nën drejtimin e Prokurorit po punon për sqarimin e rrethanave të sakta të ngjarjes dhe dokumentimin ligjor të këtij rasti.