Roma do të përballet në ndeshjen e parafundit të këtij viti me Napolin në kampionat, me të dyja skuadrat që luftojnë për zonën “Champions”. Trajneri i verdhekuqve, Zhoze Murinjo, në konferencën e tij për shtyp u ndal te kundërshtarët, por u pyet dhe për Super Ligën e Europiane, të cilën nuk vendosi ta komentonte.
Super Liga? Unë jam trajneri i Romës dhe pozicioni i Romës është dhe i imi. Nuk do komentoj. Kam shumë eksperiencë në futboll dhe e kam përjetuar në disa situata të ndryshme, por nuk dua ta analizoj. Pozicioni i Romës është i qartë dhe unë jam trajneri i Romës.
Napoli? Ata janë kampionë të merituar. Vitin e shuar e fituan pastër. Humbën një lojtar, por morën shumë të tjerë, është i njëjti ekip. Humbën një trajner të mirë, por morën një tjetër me shumë eksperiencë. Rezultate ndryshojnë. Vitin e kaluar mendoj se ata nuk kishin asnjë humbje në këtë pikë të kampionatit. Por është i njëjti ekip, të njëjtët lojtar, i njëjti stol i fuqishëm me shumë zgjedhje”, u shpreh Murinjo.