Elon Musk ka mohuar një raportim të New York Times se ai planifikon të pushojë nga puna punonjësit e Twitter para fillimit të muajit të ardhshëm për të shmangur detyrimin e pagesave.
Duke iu përgjigjur një përdoruesi të Twitter-it që e pyeti mbi këtë lajm,Musk tha:
“Kjo është e rreme”.
Javën e kaluar, Musk përfundoi blerjen e platformës së mediave sociale për shumën 44 miliardë dollarë, e cila erdhi pas disa muajsh betejë ligjore.
Blerja solli largimin e shefave kryesorë të firmës – duke përfshirë shefin ekzekutiv dhe shefin e financave.
Në fundjavë, New York Times raportoi se Musk kishte urdhëruar shkurtime të mëdha të vendeve të punës në të gjithë fuqinë punëtore të Twitter.
Gazeta tha se pushimet nga puna do të ndodhin përpara 1 nëntorit, kur punëtorët duhet të merrnin grante të aksioneve në kompani si një pjesë kryesore e marrëveshjeve të tyre të pagave.
Blerja ka nxitur diskutime midis përdoruesve të Twitter se si do të duket platforma nën pronësinë e Musk.
Disa kanë shprehur shqetësime se politikat më të buta të fjalës së lirë do të nënkuptojnë se njerëzit e ndaluar për gjuhë të urrejtjes ose dezinformim mund të lejohen të kthehen në platformë.
Javën e kaluar zoti Musk tha se ai nuk dëshiron që platforma të bëhet një dhomë jehone për urrejtje dhe ndarje.