Ish-deputeti socialist i arrestuar Alqi Bllako, për gati dy orë është marrë në pyetje nga prokurorët e SPAK. Ditën e sotme ai u thirr në ambientet e prokurorisë për t’u ballafaquar me akuzat dhe pretendimet e SPAK.
Sipas informacioneve, SPAK po mundohet ta kthejë Bllakon në një të penduar të drejtësisë.
Ai ka shumë informacione për aferën e inceneratorëve sepse ka qenë Sekretar i Përgjithshëm në Ministrinë e Mjedisit. Vetë avokati i tij pranoi pak javë më parë se ka tentativa nga prokurorët që ta bindin të flasë.
Nuk dihet nëse Bllako e ka bërë këtë gjë, por nëse ai pendohet, do ketë tërmet në politikë.
Nga ana tjetër janë mësuar detajet e para të dëshmisë së dhënë prej tij. Mësohet se Bllako ka mohuar përfshirjen e tij në aferën e inceneratorëve.
Përsa i përket akuzës së shpërdorimit të detyrës për shpronësimin e vendit ku u ndërtua inceneratori, ish-deputeti ka thënë se nuk ka pasur funksion në vendimmarrje.
Sipas tij procedura është kryer dhe është ndjekur nga komisioni i ngritur për këtë çështje në Ministrinë e Mjedisit.
Nga ana tjetër janë mësuar detajet e para të dëshmisë së dhënë prej tij. Mësohet se Bllako ka mohuar përfshirjen e tij në aferën e inceneratorëve.
Përsa i përket akuzës së shpërdorimit të detyrës për shpronësimin e vendit ku u ndërtua inceneratori, ish-deputeti ka thënë se nuk ka pasur funksion në vendimmarrje. Sipas tij procedura është kryer dhe është ndjekur nga komisioni i ngritur për këtë çështje në Ministrinë e Mjedisit.
Bllako ka thënë se, ai vetëm sa ka dërguar kërkesën në Këshillin e Ministrave për miratim dhe ka qenë qeveria që ka vijuar procesin.
Këto dy deklarata të tij duket se duhet të shqetësojnë socialistët, pasi ai e ka kaluar topin te Këshilli i Ministrave dhe komisioni që ka ngritur Ministria e Mjedisit.
Një tjetër akuzë e SPAK është për korrupsion të tërthortë, sepse babai i tij ka qenë i punësuar në kompaninë e inceneratorëve.
Mësohet se Bllako është shprehur se kontrata për punësimin e babait të tij nuk është firmosur nga Klodian Zoto, por nga ana e administratorit italian. Gjithashtu ai ka shtuar se babai i tij ka prishur kontratën e punës disa muaj përpara se të firmosej aktmarrveshja për inceneratorin e Fierit.
Mësohet se SPAK do të marrë në pyetje edhe emra të tjerë të akuzuar, përfshirë dhe ish-ministrin Lefter Koka.