Aksident i rëndë/ “Audi” fluturon’ kalimtarin, detaje nga ngjarja

Një aksident ka ndodhur mëngjesin e sotëm në Durrës ku një kalimtar është përplasur nga një automjet.

S.K. 88 vjeç ishte duke kaluar rrugën në momentin që u përplas nga një makinë tip “Audi” me drejtues S. H. 56 vjeç rreth orës 09:05 në lagjen Nr.17 Durrës.

I plagosuri është transportuar në spitalin e Durrësit dhe ndodhet nën kujdesin e mjekëve. Drejtuesi i mjetit është shoqëruar në polici për veprime të mëtejshme. Grupi hetimor po punon për sqarimin e rrethanave të aksidentit.