Stefano Pioli u ankua për dy penallti të padhëna, ndërkohë që homologu i tij te Bolonja Tiago Mota replikoi ashpër në konferencë për shtyp duke hedhur poshtë pretendimet e Milanit. Madje edhe duke kundërsulmuar.
“Nëse raste të tillë quhen penallti, atëherë më mirë ta mbyllim librin e futbollit dhe të gjithë të shkojmë në shtëpi. Edhe goli ynë ishte i rregullt, ndaj të mos hyjmë në këto episode, e të mos merremi me punën e arbitrave.
Për atë që u pa në fushë e për aq sa skuadra ime bëri, mendoj se barazimi ishte rezultati më i drejtë”, deklaroi italo-braziliani, që tashmë është vetëm katër pikë larg Europës me ende tetë ndeshje për t’u luajtur në Serinë A.