Detaje të reja janë zbardhur nga ekzekutimi i 23-vjeçarit Gëzim Simoni në Vlorë.
Paraprakisht, policia dyshon se kemi të bëjmë me një vrasës me pagesë profesionist, i cili e ka qëlluar të riun nga sedija e pasme e makinës, në një distancë rreth 34-40 metra.
23-vjeçari është qëlluar me snajper nga një automjet tip “BMW”, automjet i vjedhur dhe me targa të dubluara, teksa ishte duke pirë cigare në ballkonin e shtëpisë së tij, më 7 janar.
Ndërkohë në pjesën e pasmet të makinës së djegur është gjetur një bllok betoni. Sipas grupit hetimore autori mendohet se ka qenë profesionist dhe se blloku i betoni ka shërbyer për të mbështetur armën. Autori i këtij krimi dyshohet se është vrasës profesionist me pagesë.
Ndërkohë hetimet vijojnë për zbardhjen e plotë të ngjarjes, deri më tani nuk është gjetur arma dhe as gëzhoja. Sakaq janë mbledhur rreth 50 kamera sigurie të bizneseve.