Barcelona i lë “targën” Realit në La Liga, katalanasit përmbysin me 10 lojtarë Osasunën

Triumf dramatik i Barcelonës. Edhe pse me 10 lojtarë në fushë, katalanasit e Çavit, arritë të përmbysnin me rezultatin 1-2, vendasit e Osasunës.

Garsia hapi serinë e golave në minutën e 6-të, ndërkohë që Levandovski u ndëshkua me kartonin e dytë të verdhë në minutën e 31-të. Pjesa e parë përfundoi me rezultatin 1-0 për Osasunën.

Në pjesën e dytë, Barcelona u hodh e gjitha në sulm, teksa goli nuk vonoi. Ishte Pedri ai që në minutën e 48-të, vendosi baraspeshën. Gjithsesi, katalanasit nuk u pajtuan me 1 pikë. Edhe pse me 1 lojtarë më pak, arritën të shënonin golin e fitores me Rafinjën, që tundi rrjetën në minutën e 85-të.Ky ishte triumfi i 12-të në 14 javë për Barcelonën, që kryeson me 37 pikë, plot 5 më shumë se Reali i Madridit që ka dhe një ndeshje më pak.  Sfidën e radhës, Barcelona do e luajë më 31 dhjetor ndaj Espanjolit.