Banorët e fshatit Lumas në qytetit e Kuçovës kanë dalë sërish në protestë për të mbrojtur burimin e Sinecit.
Ata shprehen të indinjuar pasi fimra që po kryen punime në këtë zonë po e shkatërron tërësisht burimin,nga i cili merr ujë e gjithë zona e Lumasit dhe fshatrat përreth saj.
Avokati i banorëve të Lumasit,Arben Llangozi ka deklaruar se,banorët do ti vijojnë protestat e tyre derisa të zgjidhet përfundimisht ky problem.Ai i ka bërë thirrje qeverisë dhe të gjitha institucioneve përkatëse që të heqin dorë nga kjo zonë e mbrojtur dhe nga ky burim.
Prej gati 2-vjetësh banorët e Lumasit, nëpërmjet protestave e kanë penguar firmën Salillari të vazhdojë punimet në burimin e Sinecit. Ata e kanë çuar këtë çështje deri në SPAK, ku kanë kallzuar penalisht jo vetëm drejtuesin e firmës Salillari por edhe kryetarin e bashkisë Kuçovë që i ka dhënë tenderin kësaj firme pa konkurim dhe që nuk është ulur asnjëherë për të dëgjuar zërin e banorëve.
Banorët e fshatit Lumas të Beratit kanë protestuar sërish në mbrojtje të burimit të Sinecit. Përpos faktit që po ndërtohet në burimin e Sinecit, e cila është zonë e mbrojtur, pasuri kombëtare duke e shkatërruar atë por edhe shtrati i Lumit të Sinecit po shkatërrohet nga subjektet private.
Ata edhe më herët kanë kërkuar pezullimin e punimeve të vjedhjes së 4.2 milion Euro nga shoqëria “Salillari” sh.p.k në bashkëpunim me kryetarin e Bashkisë Kucovë Kreshnik Hajdari, të kamufluar pas ndërtimit të një ujësjellësi në burimin e Sinecit, zonë e mbrojtur.
“Edhe fshatari shkretë vuan për bukën e gojës, protestë kudo në Shqipëri. Edi Rama do ti shfarrosi, nuk jetohet më këtu me qeverisjen që bën Edi Rama.
Cfarë i ka mbetur fshatarësisë këtu. Zot i madh se ca do bëhet ato ditë. Janë të paparashikueshme nuk do lejohet. Do bëjmë të pamundur. Këtej e tutje ta di mirë Edi Rama apo Salillari se cfarë do bëhet.
Protestojmë për ta mbrojtur këtë zonë nga Salillari, deri në pikën ne fundit sa të kemi frymë, s’kemi si të jetojmë. Kame vazhduar punimet, ne do e kundërshtojme, s’ka rrugë tjetër”– janë shprehur ata.