Reperja doli live në Instagram të dielën vonë mbrëma, më 10 dhjetor, ku ajo pranoi se nuk “beson” se burri i saj tashmë i larguar e tradhtoi me reperin tjetër Chrisean Rock, por se nuk i intereson të dijë më të vërtetën.
“Nuk më intereson ta di sepse kam kohë që jam beqare”, u tha ajo 169 milionë ndjekësve të saj, duke shtuar: “ Thjesht nuk di si t’ia tregoj botës”.
Reperja 31-vjeçare la të kuptohej se ajo dhe muzikanti po ashtu 31-vjeçar kanë disa kohë që kanë probleme. Megjithatë, ajo shprehu padurimin e saj për vitin e ri.
“Dua ta nis vitin 2024 të freskët, të hapur ”, tha ajo. “Jam kurioze për një jetë të re, një fillim të ri. Jam e emocionuar”.
Reperi Blueface, i cili ishte në lidhje me Chrisean Rock nga viti 2020 deri në fillim të këtij viti, shkoi në Twitter gjatë fundjavës duke pretenduar se ish-i dhe Offset kishin fjetur së bashku ndërsa kjo e fundit ishte e martuar me Cardin. Por Offset ka mohuar me forcë pretendimet.
Cardi dhe Offset ndezën për herë të parë thashethemet për ndarje javën e kaluar kur ata nuk e ndiqnin më njëri-tjetrin në rrjetet sociale.
Reperja e ‘Bodak Yellow’ më pas ndau disa mesazhe të fshehta në llogarinë e saj në Instagram, duke shkruar: ‘Jam lodhur duke mbrojtur ndjenjat e njerëzve… DUHET TË VË VETEN NE PLAN TË PARË.” Offset u shfaq në një festë në Art Basel të premten mbrëma, por ai solli nënën e tij.
Cardi B dhe Offset u martuan fshehurazi në shtator 2017 dhe kanë dy fëmijë së bashku, një vajzë 5-vjeçare dhe një djalë 2-vjeçar. Ata u ndanë për pak kohë në fund të vitit 2020, por u bashkuan për tu ndarë sërish tani. Reperi është gjithashtu baba i tre fëmijëve të tjerë nga lidhjet e mëparshme.