Fansat e artistëve gjejnë mënyra të ndryshme për të shprehur dashurinë që kanë për ta. Nga dhuratat, dedikimet e deri te tatuazhet që bëjnë në trupin e tyre.Këngëtari i dashur për publikun, Luiz Ejlli, ka zbuluar së fundmi se një fanse e tij ka bërë një tatuazh me një nga shprehjet që ai përdorte kur ishte brenda shtëpisë së “Big Brother VIP 2”.Fjalia “A di si m’duki ju?” dhe fjala “Çapaçula” ishin ndër më të përdoruarat nga fituesi i BB VIP, dhe këto të dyja një fanse i ka bërë tatuazh në krahun e saj.Këtë e ka zbuluar vetë Luizi në një postim në “Instastory”, ku bashkëngjitur me foton shkruan: “Pa fjalë”.Kujtojmë që edhe më parë Luizi tha se ka takuar një tjetër fans që ka bërë tatuazh portretin e tij. Ndërkohë, këngëtari mbetet i angazhuar me projekte të ndryshme, ai mbrëmë performoi pjesë në koncertin “Dekada” të Elvana Gjatës.Nga ana tjetër, është bërë e ditur se ai ka nisur edhe xhirimet e filmit përkrah Olta Gixharit, “Në kuadër të dashurisë”.