Liga e Kampionëve luan ndeshjet e para të raundit të fundit në grupe mbrëmjen e sotme, teksa pritet të mësohen dy skuadrat e radhës që do të kualifikohen për më tej.
Në orën 18:45, Sevilja luan në transfertën franceze me Lens për një vend në Ligën e Europës, teksa PSV-ja pret në shtëpi Arsenalin në një duel që vlen sa për statistikë.
Në orën 21:00 vëmendjea është e gjitha në “Old Trafford”, aty ku Mançester Junajtid pret Bajernin e Mynihut. “Djajtë e Kuq” duhet të fitojnë dhe të shpresojnë që sfida tjetër e Grupit A mes Kopenhagenit dhe Gallatasarajit të mbyllet në barazim për t’u kualifikuar, por bavarezët pritet mos t’ia bëjnë aspak të lehtë.
Në Grupin C, Napoli pret Bragën, me të besuarit e Maxxarrit që i mjafton vetëm një pikë për t’u kualifikuar për më tej, ndërsa portugezët do të bëjnë çmos për të marrë maksimumin në mënyrë që të surprizojnë kampionët e Italisë. Po në këtë grup luhet dhe takimi tjetër mes Union Berlin dhe Realit të Madridit.
Në Grupin D, Interi kërkon fitoren në shtëpi ndaj Sociedadit në mënyrë që ta mbyllin në vendin e parë, ndryshe do të jenë spanjollët ata që do të dalin si “kokë” grupi. Gjithashtu në këtë grup luhet dhe takimi mes Salcburgut dhe Benfikës që do të vendosë se cila skuadër do të shkojë në Ligën e Europës.
NDESHJET:
GRUPI A
MANÇESTER JUNAJTID – BAJERN MYNIH 21:00
KOPENHAGEN – GALLATASARAJI 21:00
GRUPI B
LENS – SEVILJA 18:45
PSV – ARSENAL 18:45
GRUPI C
NAPOLI – BRAGA 21:00
UNION BERLIN – REAL MADRID 21:00
GRUPI D
INTER – REAL SOCIEDAD 21:00
SALCBURG – BENFIKA 21:00