Deputeti Sali Berisha ka reaguar pas lajmit se qeveria i ka dhënë biznesmenit mik me Edi Ramën, Pëllumb Salillari, tenderin me vlerë prej 11.4 milionë euro, pa garë, për mirëmbajtjen e rrugëve të jugut.
Berisha e quan akt të mirëfilltë korruptiv shpalljen e fituesit si ofertues i vetëm dhe me 99,99% të vlerës së fondit limit, me një diferencë prej rreth vetëm 800 euro nga pragu.
Lideri demokratik thekson në një status në Facebook se Salillari u bë i famshëm në janar të vitit 2021, me shembjen e rrugës së Borshit, pas keqndërtimit prej tij të kësaj rruge.
“Por Salillari duket se ka aksione të përbashkëta me Ramën, i cili personalisht dhe direkt i bënë avokatin e tij ndaj dhe ai vazhdon të fitoj tendera me 99.9% si ofertues i vetëm. Kësaj i thonë vjedhje dhe vetëm vjedhje me firmë qeveritare.
Këtu me poshtë keni hetimin e gazetarit për tenderin e fundit të Fitimtar Salillarit të Edvinit”.