Një foto e tribunës gjatë sfidës Itali-Argjentinë në “Wembley” në turneun “Finalissima” është bërë virale. Në pamjet e shpërndara në rrjet, është fokusuar një person mes tifozëve që ngjason si Diego Armando Maradona.
Tifozi mbante veshur një kapele, teksa nga fotoja vërehet një ngjasim i madh me legjendën Diego Armando Maradona. “Diego është gjallë, Diego ishte në Wembley, ai nuk mund të mos ndiqte Argjentinën e tij” , ishte fraza që u bë virale.
Gjithçka nisi nga llogaria në “Twitter” e Sara Aribo, një fotografe profesioniste, e cila shpërndau një foto bardhezi të Mesit dhe në sfond ndodheshin tifozët. Teksa në këtë moment, ndjekësit e saj në rrjetin social kanë dalluar një person me kapele mes publikut që ngjason shumë me Maradonën.
“TyC Sports” më pas ri-publikoi fotografinë në të cilën shihet qartë figura e ngjashme me Maradonën. Vlen të theksohet, se legjenda argjentinase ndërroi jetë më 25 nëntor 2020, duke lënë pas një histori të lavdishme.