Para fillimit të Ligës së Konferencës, Dinamoja e Batumit shtoi gjashtë lojtarë të rinj, por lajmi për të cilët duhet të frikësohet Tirana ishte transferimi i Levan Kharabadze. Archil Beridze, presidenti i klubit qipriot “Paphos”, ka konfirmuar informacionin e shpërndarë nga Geo Team për mbrojtësin qipriot të “Paphos”.
Kharabadze është 23 vjeç. Duke u nisur nga shkolla e futbollit Kutaisi Torpedo, ai vazhdoi karrierën në Dinamo e Tbilisit, ku u promovua në ekipin kryesor, i kaloi vitet 2019-’20 në formë huazimi te skuadra zvicerane Zurich dhe nga viti 2022 u transferua në Qipro dhe u regjistrua te “Paphos”. Levan Kharabadze ishte lojtar i të gjitha grupmoshave (U-17, U19, U-21) të Gjeorgjisë, ndërsa në vitin 2019 u ftua në kombëtaren e madhe të Gjeorgjisë dhe luajti 2 ndeshje me skuadrën. Por për shkak të një dëmtimi, e kishte të vështirë të vendosej në “Paphos”. Për shkak të dëmtimit ai humbi “Euro 2023” dhe duhej të kthehej në Gjeorgji.
Veç tij, Dinamoja e Batumit shtoi edhe 5 lojtarë të tjerë para turneut europian, transferimet e të cilëve Beridze i konfirmoi në një intervistë me “Lelos” një javë më parë. Me skuadrën janë bashkuar portieri Roin Kvasyadze nga Torpedo dhe katër mesfushorë. Braziliani Vitinho, Nika Kifiani, të dy nga Telavi, Giorgi Tsitaishvili, Dinamo e Kievit dhe Tsotne Facetsiya nga skuadra e Farit. Kujtojmë se Sandro Altunashvili u largua nga skuadra dhe kaloi tek austriakët “Wolfsberg”. Sulmuesi 30-vjeçar senegalez Moussa Konate do të largohet nga skuadra, pasi nuk gjeti vend në ekipin kryesor. Kujtojmë se skuadra e Gia Geguchadze do të përballet me nënkampionen e Shqipërisë, Tiranën, në fazën e parë kualifikuese të Ligës së Konferencës. Ndeshja e parë do të zhvillohet më 13 korrik në Tiranë, ndërsa ndeshja e kthimit do të luhet nga “Acharabet Arena” më 20 korrik.
KUNDËRSHTARI – Nëse Tirana arrin të kalojë Dinamo Batumin, në turin e dytë do të përballet me gjigantët e Beshiktashit. Tirana mund të themi se ka fat ndaj skuadrave gjeorgjiane. Në dy përballje të mëparshme të bardhebluve me ekipet nga vendi i Stalinit, skuadra shqiptare është kthyer me kualifikim, por gjithmonë në Champions League. Në fillim, Tirana është kualifikuar në sezonin 2003- 2004 ndaj Dinamos së Tbilisit. Në sezonin 2020-2021 të Europës, Tirana shkroi historinë brenda në Tbilisi, teksa mundi dhe eliminoi në një ndeshje teke Dinamo Tbilisin 2-0. Atë vit Tirana shkoi deri në “play off”-in e Europa League-s.