Nga Adriatik Doçi
Disa nga njerëzit e drogës, prostitucionit dhe korrupsionit që marrin para publike
-‘Devis’ sh.p.k, kompania e Lefter Lamajt, kaluar në emër të gruas pa letra Kristinka Leka, një nga bosët e drogës dhe prostitucionit në Itali, i dënuar në vendin fqinj, sot i lirë. 13 milionë euro tendera në shëndetësi.
-‘Balili–Ko’, kompania e Klement Balilit, ‘Eskobari i Ballkanit’, sot në burg, i dënuar me 10 vite burg për trafik droge, grup kriminal, fshehje pasurie dhe pastrim parash. Në letra kompania është në emrin e vëllait.
-‘Leka 2007’, me 50 % e Parlind Lekës, i dënuar për trafik droge në Itali, objek ligjit anti-mafia në Shqipëri, sekustruar pasuria etj. Kompania ka kaluar në emër të Luigj Lekës, i cili vijon të marrë tendera të dyshimtë, sidomos në Bashkinë e Lezhës.
-“Inerte Express”, kompania e Mond Begos, i njohur edhe me emrat Edmond Bego, Manoli Bega, Saimir Sina, Belul Gjahtari etj., i dënuar për trafik droge në kuadër të organizatës kriminale.
-‘M.C. CATERING’, kompania e Njazi Prençit, i dënuar për vjedhje me tenderat. Kompaninë e ka kaluar në emër të të birit, Gentjan Prençi, i cili vijon ‘traditën’.
-‘M. B Kurti’ (Sinani Trading), kompania e Shemsi Sinanit, i dënuar për korrupsion me tendera. Kompania sot është në emër të të birit, Ledion Sinani, i cili vijon…
-“Rroku Guest”, kompania e Rrok Gegës, i dënuar për skemat e mashtrimit me faturat e TVSH. Pas dënimit kaloi kompaninë në emër të gruas Vera Gega, duke vijuar avazin.
-“Sireta 2F”, i Fiqiri Palit, i dënuar për korrupsion me tendera, pas arrestimit kaloi kompaninë në emër të gruas Fatime Pali, duke vijuar avazin.
-“EURO-ALB”, kompania e Bujar Muratit, i arrestuar disa herë për korrupsion me tendera. Aktualisht në proces gjykimi. Mori në qafë e Fatos Tushen.
-“Dogel”, kompania e Elidjan Laskajt, i dënuar për korrupsion me tenderat.
-‘Nelsa’ kompania e Nexhmi Ballës, i dënuar për korrupsion me tendera, kompaninë e ka kaluar në emër të vajzës së tij Elsa Kamberi (Balla) dhe sot bën kërdinë me tendera.
-‘DAJTI PARK 2007’, e Ylber Kalasë, i dënuar për korrupsion me tendera, pas dënimit kompaninë e kalon në emër të djalit Desart Kalaja dhe 50 % të aksioneve për Lulzim Qefalinë. Kompania sot bën kërdinë me tendera me flamur të kuq.
-‘AME 2020’, kompania e Agim Kajmakut, i dënuar në Greqi, i shkarkuar si kryebashkiak i Vorës në Shqipëri, i shpallur në kërkim dhe aktualisht në proces gjyqësor. Kompaninë e ka kaluar në emër të gruas dhe vijon të marrë para publike.
Këta nuk janë të vetmit. Madje nuk janë as kryesorët.
Ligjet i kemi të mira!
Punë ka, gjithashtu edhe ‘profesionistë’!