Dortmund tronditi Milanin brenda në “San Siro” duke i shkaktuar një humbje të rëndë që praktikisht i nxjerr nga Champions, më saktë, “djallit” i duhet një mrekulli për të kaluar më tej pasi tashmë nuk e kanë më fatin në dorën e tyre. Ekipi i Piolit duhet të fitojë sfidën e fundit, atë kundër Newcastle në transfertë, por as kaq nuk mjafton. Milan lutet që B.Dortmund të mposht PSG në sfidën e fundit.
Mbappes me shokë i mjafton edhe një pikë në Iduna Park për të kaluar më tej pasi nga katër ekipet e F, kuqezinjtë kanë golavarazhin më të keq, minus katër. Me 10 pikë, Dortmund renditet në vendin e parë, plus 3 pikë nga PSG. Me 5 pikë, Newcastle renditet në vendin e tretë, po aq sa edhe Milani i vendit të fundit.