Historia e rivalitetit mes Don Omar dhe Daddy Yankee daton shumë vite më parë. Të dy artistët konkurronin për të fituar titullin e mbretit në këtë zhanër. Ata krijuan një rivalitet të madh që i dhanë fund në vitit 2008.
Atë vit, regjistruan disa këngë së bashku dhe realizuan turneun The Kingdom i cili në vend që t’i bashkonte, i largoi nga njëri-tjetri. Tashmë duket se besimi i ka afruar bashkë sërish.
Disa ditë më parë, Daddy Yankee dha koncertin e fundit të karrierës, La Meta, pas njoftimit se do të tërhiqej nga muzika. Koncerti u realizua në vendlindjen e tij, në Puerto Riko. Kur ishte radha e “Hasta Abajo”, një bashkëpunim me Don Omar, Daddy Yankee pati disa fjalë për të: “Të pakonkurrueshmit, Dy dhe Don Omar. Të respektoj vëlla kudo që ti do të jesh”.
Në fund të koncertit, Daddy Yankee njoftoi se do t’i përkushtohej fesë. Don Omar, përpara se të ishte një artist i suksesshëm, ka qenë kishtar. Duket se kjo lidhje i ka afruar djemtë sërish dhe kanë folur mes tyre.
Don Omar e dinte se ç’kishte ndodhur gjatë koncertit dhe e komentoi gjatë një interviste e më pas djemtë kanë folur bashkë. Rezultati janë disa mesazhe të postuara në rrjetet sociale ku të dy shprehin vlerësimin për njëri-tjetrin si kundërshtarë dhe urojnë më të mirat.
Sot mbyllim librin që kishte kapitujt më të mirë të rivalitetit tonë. Faleminderit për fjalët e tua dhe që dëgjove të miat të cilat gjithashtu vinin nga zemra. Uroj më të mirën për ty dhe familjen tënde. Faleminderit për karakterin tënd garues dhe disiplinën e admirueshme por më shumë faleminderit për çfarë ke bërë për muzikën tonë. Faleminderit për bashkëpunimin dhe konkurrencën sepse e kam bërë me një titan. Mbetem me kujtimet e bukura, të qeshurat, ëndrrat bashkë dhe dëshirën për një raund të fundit me një kundërshtar kaq të madh. Do të shihemi bashkë së shpejti sepse të detyrohem një përqafim dhe një falenderim nga afër. Ndërkohë, jetë të gjatë Mbreti Daddy!”, shkroi Don Omar krah një fotoje të Daddy Yankee.
Daddy Yankee ka bërë të njëjtën gjë dhe i është drejtuar fillimisht me emrin e tij të vërtetë, William.
William, faleminderit që na dhe të dyve mundësinë për të folur përzemërsisht. Don Omar ka bërë gjëra të mrekullueshme për këtë zhanër dhe brenda rivaliteti që ti thua mirë se na ndau, sonte ndihem i çliruar që ka mbetur pas dhe që ne jemi një shembull se mund të jemi të ndryshëm, por do të ketë gjithmonë vend për falje. Ke qenë gjithashtu kundërshtar i denjë dhe nuk do të ndaloj kurrë së vlerësuari gjithçka që ke bërë për lëvizjen tonë. Në këtë fazë të jetës time është e rëndësishme për mua që të ndaj trashëgiminë time me ju dhe që mesazhi im mos të jetë vetëm në fjalë, por në veprime që janë shembulli më i mirë i asaj që Jezusi bën me jetët tona. Ndihem i qetë dhe në paqe duke e ditur se sot kemi lënë pas mosmarrëveshjet mes dy eksponentëve që kanë ngritur lart flamurin e Puerto Rikos tonë. Shpresoj që raundi ynë i fundit të jetë kundër armiqve të shpirtit, duke luftuar së bashku në ushtrinë e Zotit! Të pres në këtë anë! Zoti të bekoftë ty, familjen tënde dhe ndjekësit e tu besnikë”.
Është e qartë tashmë se besimi i ka ndryshuar gjërat mes djemve.