Kristjan Asllani, edhe pse ishte parashikuar titullar, nuk e ka nisur nga minuta e parë ndeshjen me Bolonjën dhe Simone Inzagi ka zgjedhur ta hedhë në fushë në minutën e 83’-të, në vend të Hakan Çalhanoglusë.
Pikërisht për rolin e turkut ka folur edhe elbasanasi, që tashmë me largimin e Marselo Brozoviçit, është alternativa e parë e tij.
“Çfarë do t’i vidhja Çalhanoglusë? Ai është i fortë në gjithçka, ka një aftësi shumë të fortë mbrojtëse që ndoshta më mungon, çdo ditë më jep këshilla dhe unë jam i lumtur që e kam në krahun tim dhe mund të mësoj prej tij”, ka thënë mesfushori 21-vjeçar i Kombëtares për kanalin e klubit.