Edhe kjo nuk ishte dëgjuar, por siç thotë populli jonë liridashës: “…bëmat bëhen prandaj dhe tregohen…”. Një histori e padëgjuar më parë ka ndodhur në kompaninë shtetëror të sigurisë “Illyrian Guard”, që është në varësi të Ministrisë së Brendshme, por që drejtohet si pronë private dhe personale nga administratori, Drini Nikolla.
Ky i fundit një personazh që vjen nga anadollakët rezervistë të Ushtrisë Shqiptare, i mësuar me burokracitë e ulta të reparteve të këmbësorisë ushtarake, e ka treguar vetën që nuk vlen asnjë “grosh” dhe nuk meriton të qëndrojë një ditë të vetme në krye të kompanisë së sigurisë “Illyrian Guard”.
Me paaftësinë e tij ka bërë lëmsh të gjithë personelin duke shkaktuar pasoja të parikuperueshme, tek disa prej puntorëve të drejtë dhe pa mbështetje politike e konjuktura të ndyra. “Illyrian Guard”, prej gati 9 muaj, nën drejtimin e Drini Nikollit, është kthyer në një repart i vijës bregdetare, që nuk e di mirë pozicionin e tij ku është dhe ku duhet të luftojë, në tokë apo në det.
Dhe e gjitha kjo situatë ka ardhur si pasojë e keq menaxhimit dhe trajtimit të gabuar të punonjëve me përvojë, nga ana e rezervistit të ushtrisë, Drini Nikolla, i cili prej datës 25 janar 2021, është emëruar nga Këshilli Mbikqyrës në
Ministrinë e Brendshme si administrator i kompanisë “Illyrian Guard”.
Dhe kjo histori e padëgjuar më parë ka ndodhur në kompaninë shtetëror të sigurisë “Illyrian Guard”. Histori e cila nuk ka shoqe dhe nuk besojmë të ketë ndodhur në ndonjë institucion tjetër shtetëror.
Dhe e gjitha kjo ka ndodhur nga paaftësia e Drini Nikollit për të menaxhuar, kunjukturave dhe flirteve që ai mban me deputetë të ndryshëm, të cilët ja çojnë listat e punonjësve, se cilin duhet të heqë dhe cilin duhet të futë në punë, Nikollaqi.
Rasti i shkarkimit të Rasim Smakaj, përgjegjësit të sigurisë së “Illyrian Guard” në qarkun e Lezhës, ka thyer çdo formulë të zbatimit të ligjit. Aq sa edhe injorant të jesh e kupton se këtu jemi përballë një nëpërkëmbje, përballë një spordhjaku dhe përballë një shpërdoruesi të detyrës, si Drini Nikolla.
Për të gjithë ata që nuk e dinë, përfshitë këtu dhe Ministrin, Bledi Çuçi dhe drejtuesit e Këshillit Mbikqyrës të kompanisë “Illyrian Guard”, rezervisti Drini Nikolla brenda një harku kohor prej 7 muajsh, ka shkarkuar dy herë një punonjës të nivelit të lartë të kësaj kompanie dhe 1 herë e ka rimarë në punë.
Pra në 7 muaj kohë, me vetëm një punonjës siç është Rasim Smakaj,ka kryer 3 lëvizje. Njëherë e ka sharkuar, pastaj e ka marë në punë sërisht dhe pastaj më vonë në datën 3 shtator 2021, e ka rishkarkuar sërisht.
Vaj medet o milet se kush drejton kompaninë e sigurisë. “Kryeprifti” që luan me punonjësit e tij, lojën ngriva-shkriva.
Për të gjithë ata që janë të paqartë, po e shpjegojmë më saktësisht. Në 25 janar 2021, rezervisti Drini Nikolla, mer drejtimin e kompanisë “Illyrian Guard”.
Dhjetë ditë pasi erdhi në krye të kësaj kompanie, Drini Nikolla, fillon operacionin ushtarak me shpatë të madhe, duke larguar në 5 shkurt 2021, përgjegjësin e sigurisë në qarkun e Shkodrës, Rasim Smakaj.
Rasimi në këtë kohë iku nga puna me motivacionin se kishte kryer shkelje të disiplinës. Ai nuk u pajtua me këtë vendim, mblodhi letrat dhe së bashku me avokatin ju drejtua gjykatës, për ta zgjidhur ligjërisht problemin dhe kërkuar kompesim financiar.
Ndërkohë që firmosja e Drini Nikollit, për të shkarkuar Rasim Smakaj, është kryer nga ndikimi i një ish-deputeti katolik dhe miliarder në qarkun e Shkodrës. Kjo gjë provon se Nikolli aty është një marionetë që e bëjnë ush-qush dhe që ai thotë vetëm “lepe-peqe”.
Në vend të Smakaj, përgjegjës për sigurinë në qarkun e Shkodrës, Drini Nikolla, vendosi një mikun e ish-deputetit miliarder të Shkodrës.
Nga ana tjetër, Rasim Smakaj, dorëzoi padinë në gjykatë dhe një kopje e padisë, i shkoi dhe Drini Nikollit. Në këtë moment ushtarakut që ka bërë sa e sa betime nëpër repartet e ushtrisë, i hyri tartakuti pas kësaj padie civile në gjykatë, dhe menjëherë dezertoi nga urdhëri i parë për shkarkimin e Rasim Smakaj.
Nikolla, filloi më pas të flirtojë dhe ta zbusë situatën me përgjegjësin e sigurisë në qarkun e Shkodrës,Rasim Smakaj, që sapo e kishte shkarkuar në 5 shkurt 2021. Nikolla kërkoi një takim me Smakaj dhe takimi u bë, privatisht në zyrën e tij në Tiranë.
Ky takim mes firmëtarit të shkarkimit Drini Nikolla dhe të shkarkuarit Rasim Smakaj, ka ndodhur në muajin Mars 2021.
Nikolla, në mënyrë të paligjshme dhe pa asnjë bazë ligjore, i kërkoi Smakaj një marëveshje. Një pakt gjentëllmenësh, në mënyrë që Smakaj, tashmë i papunë dhe viktimë e intrigave të Nikollës, të tërhiqte padinë civile kundër tij. Ndërsa në këtë marëveshje, vetë Nikolla ofronte dhe merte përsipër që të rikthente sërisht në punë Rasim Smakaj, vetëm me kushtin që ai të tërhiqte padinë civile.
Për shkak edhe të kushteve të vështira ekonomike,Smakaj, ka pranuar ofertën, duke bërë tërheqjen e padisë nga gjykata dhe kërkuar Nikollës që ti qëndronte besnik marëveshjes së bërë dhe ta emëronte sërisht në vendin e punës, të përgjegjësit të sigurisë në qarkun e Shkodrës.
Ku pas këtij veprimi në mënyrë verbale ka marë një kërcënim nga Drini Nikolla, i cili i ka thënë: “…do ma paguash, për këtë që më bërë…”.
Nikolla në datën 31 Mars 2021, urdhëron ripunësimin e Rasim Smakaj në kompaninë “Illyrian Guard”, por jo Përgjegjës në Qarkun e Shkodrës por në qarkun e Lezhës. Këtë ndryshim kursi e justifikon me faktin se pozicionin e mëparshëm të Smakaj në Shkodër, e kishte zënë me dikë tjetër.
I ndodhur në udhëkryq dhe i kapur në kundra kohë nga Nikolla, Smakaj s’kishte çtë bënte tjetër dhe ka pranuar vendin e punës, megjithëse Nikolla devijoi nga marëveshja e bërë në muajin Mars 2021.
Gjithsesi ai vijoi punën nga 31 Marsi 2021 deri në 5 shtator 2021. Pra vetëm 5 muaj e mbajti në këmbë marëveshjen e gjentëllmene Drini Nikolla. Kjo pasi në 5 shtator, përgjegjësi i sigurisë për Qarkun e Lezhës, Rasim Smakaj, thëritet në Tiranë nga marioneta e Drini Nikollit, Edona Daci, ku kjo e fundit i komunikon urdhërin e shkarkimit.
Urdhëri i shkarkimit ka për motivacion shkeljet e rënda në detyre, pasi Smakaj i paska dhënë disa ditë lejë një punonjësi roje, që shërbente pranë hidroçentralit të Vaut të Dejës. Dhe e gjitha kjo qënka bërë në periudhën, kur Smakaj mbante detyrën e përgjegjësit të sigurisë në qarkun e Shkodrës dhe kur kompania “Illyrian Guard”, drejtohej nga një administrator tjetër dhe jo nga rezervisti Drini Nikolla.
Pra u gjend sebepi i dhënies lejë tek një roje objekti, që Drini Nikolla të nxjerë inatin e atij kërcënimi të muajit Mars 2021, ku teksa Smakaj dilte nga zyra e tij, Nikolla i thonte: “…do ma paguash, për këtë që më bërë…”. Dhe ja ku erdhi fatura e pagesës.
Brenda 7 muaj një herë e emëroi në punë dhe dy herë e shkarkoi. Hajde Nikoll hajde. Po Çuçi dhe këta anëtarët e tjerë të Këshillit Mbikqyrës, pse flenë gjumë para këtyre situatave? Pse vijojnë të lejojnë Drini Nikollën të abuzojë me pushtetin dhe nëpërkëmbë punonjësit?