Milani i lodhur? Jo, nuk duket, të pa ktën nga ritmi. Por ndoshta është ende i tronditur dhe pse jo ka nevojë që të ndryshojë, që të kuptojë diçka më shumë edhe nga ajo çfarë lojtarët e rinj dhe të shumtë që janë blerë këtë verë.
Nuk ka dyshime se stërvitjet janë të rëndësishme, por tensioni i ndeshjeve është prova e vërtetë dhe trajneri Stefano Pioli ka vendosur që të rrezikojë.
Sigurisht, kalendari shumë i ngjeshur, sidomos me muajin e ferrit që e pret Milanin, ia detyron edhe rotacionin, por të ndryshojë totalisht një repart të tërë, madje të hedhë të gjithë forcën e paguar në merkaton e verës brenda dhe së bashku në një ndeshje nga minuta e parë, duket se do të jetë eksperimenti i tij në Kaljari.
Ndërsa nuk ka grumbulluar as portierin Menja dhe as sulmuesin Joviç (ndonëse janë rikuperuar), ai nuk ka dashur që të bëjë pa Teo Hernandezin e rikthyer në dispozicion. Madje, francezi pritet që nga minuta e parë në Sardenjë.
Por surprizat në Milanin që priten sot në 18:45 janë të mëdha, shumë të mëdha… I pari nis që nga mesfusha, ku pas dëmtimit të Kruniçit, trajneri kuqezi ka vendosur që t’i japë një shans të madh “të humburit” Jasin Adli, që do ta nisë nga minuta e parë dhe të bëjë “Pirlon” përpara mbrojtjes, një rast i artë ky që francezi duhet ta shfrytëzojë në maksimum.
Ndërkohë, basti i madh i Piolit është sulmi. Nga Verona skema do të ndryshojë nga 3- 4-3 në 4-3-3, pas rikuperimit të Teos, por në repartin ofensiv nuk do të ketë vend as për Leaon dhe as për Zhirunë.
Të dy do të lihen pushim, të gatshëm për të zbritur nga stoli gjatë sfidës. Trajneri kërkon të shohë në aksion trion “e panjohur”, Çukvueze-OkaforPulisiç.
Amerikani i ka treguar disa shkëndija, madje duke shënuar e ofruar asiste, por sot është ora e dy blerjeve të tjera të bujshme nga të cilat pritet shumë. Sidomos nga Okafor, i cili nuk shënon që prej muajit nëntor të vitit të kaluar, pasi u frenua nga një dëmtim i gjatë. Dhe sot ka shansin e artë që të zhbllokohet.