Pas disa ditësh kërkime gjendet trupi i pa jetë i minatorit të minierës së Bulqizës Muharrem Plaku.
Viktima kishte pranuar të punonte në minierë edhe pse pa kushte sigurie, pasi kishte një pagesë të mirë që i ofrohej aty.
Ishte varfëria dhe të ardhurat e ulëta të familjes së 60 vjeçarit të cilat e kanë shtyrë për tu punësuar në një vend të tillë.
Sipas asaj që është bërë e ditur shkak i kësaj ngjarje ishte shembja e një pjese mineralesh e cila e zuri poshtë viktimën e duke i marrë jetën.
Ndërsa Policia ka shoqëruar inxhinierin e kompanisë ‘KADURTEX’ Veli Losha dhe teknikun Saba Hasani për të dhënë deklaratën e tyre rreth ngjarjes edhe pse këto dy të fundit nuk kanë asnjë akuzë të ngritur ndaj tyre.