Një gol për të shkuar në 29 të tillë në një vit kalendarik, duke lënë pas Vierin dhe Ikardin dhe një gol për t’ia dedikuar vendlindjes së tij, ku kanë humbur jetën 13 persona brenda një qendre sportive, për shkak të rrëzimit të çatisë. Lautaro Martinez vazhdon të udhëheqë Interin si kapiten dhe kampionatin si golashënuesi më i mirë i tij, duke i lëshuar një sinjal të gjithë rivalëve.
Çfarë sinjali është ky për kampionatin?
Një sinjal i rëndësishëm, edhe për veten tonë, sepse kemi vite që ndjekim një rrugë dhe ekipi po rritet në çdo aspekt. Gjithashtu, i rëndësishëm për djemtë e rinj, të cilët e kuptuan menjëherë se çfarë do të thotë të luash me këtë fanellë dhe të luftosh për qëllimet tona. Jemi 25, jo 11.
Kur ngelët pa shumë lojtarë, ju mbajtët një fjalim para shokëve të skuadrës. Mund të na thoni çfarë thatë?
Që kishim nevojë për të gjithë, të mbash shiritin nuk është të jesh në krye në dhomat e zhveshjes. Një përgjegjësi që unë marr përsipër, por kam nevojë për të gjithë. E rëndësishme është të kesh në krah njerëz që të ndihmojnë çdo ditë, ne kemi krijuar një grup të madh. Duam të fitojmë gjithçka.
Keni luftuar për vendin e parë në grup, tani kë do të dëshironit të shmangnit në Champions League?
Jemi të kënaqur me kualifikimin. Për të fituar trofe duhet të mposhtim të gjithë, ne do të përgatitemi mirë dhe do të presim shortin.
E prisnit një Turam si ky? Çfarë ndryshimi ka të luash me të në krahasim me Lukakun?
Sinqerisht nuk e prisja kështu, ai është një lojtar i pjekur, i fortë, i shpejtë, që ngre kokën, i ri, shumë i rëndësishëm për ne. Ai po na jep një dorë të madhe. Me Lukakun ishte diçka tjetër, Romelu qëndronte gjithmonë në qendër, kurse Markus lëviz gjithandej.